Oti Faaleagaga

O le vavaeeseina mai le Atua ma ona aafiaga; o le oti e tusa ai ma mea tau le amiotonu. O Lusifelo ma le tasi vaetolu o ʼau a le lagi na mafatia i se oti faaleagaga ina ua tuliesea i latou mai le lagi (MF&F 29:36–37).

O le oti faaleagaga na oo mai i le lalolagi e ala i le paʼū o Atamu (Mose 6:48). O tagata e i ai mafaufauga leaga, upu leaga, ma galuega leaga ua oti faaleagaga e ui ina ola pea i latou i le lalolagi (1 Timo. 5:6). E ala i le togiola a Iesu Keriso ma le usiusitai i mataupu autū ma sauniga o le talalelei, o le a mafai ai ona faamamāina alii ma tamaitai mai le agasala ma manumālo ai i le oti faaleagaga.

O le oti faaleagaga foi e oo mai pe a mavae le oti o le tino faaletino. O tagata toetutū ma le tiapolo ma ana agelu o le a faamasinoina. O e na fouvale ma le loto i ai e tetee i le malamalama ma le upumoni o le talalelei o le a mafatia i le oti faaleagaga. O le oti lenei e masani ona taʼua o le oti lona lua (Alema 12:16; Hela. 14:16–19; MF&F 76:36–38).

Ua saoloto tagata e filifili le saolotoga ma le ola e faavavau pe filifili le faatagataotauaina ma le oti, 2 Ni. 2:27 (2 Ni. 10:23; Alema 29:5; Hela. 14:30–31).
Ua saunia e le Atua se ala e mafai ai ona tatou sosola ese mai le oti ma seoli, 2 Ni. 9:10.
Ia tatala ese outou lava mai tīgā o seoli ina ia le mafatia ai outou i le oti faalua, Iako. (TM) 3:11.
O le tagata natura o se fili i le Atua, Mosaea 3:19.
Tauina ia tuuina mai e le Alii ia te outou le salamo ina ia outou le mafatia i le oti faalua, Alema 13:30.
Na siosiomia Alema i filifili tumau-faavavau o le oti, Alema 36:18.
E oti e amioleaga e faatatau i mea tau i le amiotonu, Alema 40:26 (Alema 12:16).
Na aumaia e le Paʼū i luga o tagata uma se oti faaleagaga, Alema 42:9 (Hela. 14:16–18).