Nofoaiga a Tupu
O tusi e lua i le Feagaiga Tuai. O loo tuuina mai ai i ia tusi se talafaasolopito puupuu o mea na tutupu mai le Foafoaga seʼi oo atu i le faasilasilaga a Kuresa lea na faatagaina ai tagata Iutaia e toe foi atu i Ierusalema.
Nofoaiga a Tupu Muamua
O le mataupu 1–9 o loo tusia ai gafa mai ia Atamu e oo atu ia Saulo. O le mataupu 10, o le tala i le oti o Saulo. O le mataupu 11–22 ua faamatala mai ai mea na tutupu i le nofoaiga a Tavita. O le mataupu 23–27 ua faamatala mai ai le avea o Solomona ma tupu ma le faatulagaina tatau o le au sa Levī. O le mataupu 28 ua faamatala mai ai le poloaiina o Solomona e Tavita e fausia se malumalu. O le mataupu 29 o loo tusia ai le oti o Tavita.
Nofoaiga a Tupu e Lua
O le mataupu 1–9 ua faamatala mai ai mea na tutupu i le nofoaiga a Solomona. O le mataupu 10–12 o loo faamatala mai ai le nofoaiga a le atalii o Solomona o Reopoamo, o le taimi lea na vaeluaina ai le malo tuufaatasi o Isaraelu, o le malo i matu ma le malo i saute. O le mataupu 13–36 ua faamatala mai ai nofoaiga a tupu eseese seia oo atu i le mauaina o le malo o Iuta e Nepukanesa. Na faaiuina le tusi i le poloaiga a Kuresa e mafai ona toe foi atu i Ierusalema le fanauga a Iuta e sa avea faatagataotaua.