Penina Tau Tele

O le malo o le Atua i le lalolagi ua faatusaina i se “penina tau tele” (Mata. 13:45–46).

O le Penina Tau Tele o se igoa foi ua tuuina atu i se tasi o tusi o tusitusiga paia e fa ua taʼua o “tusi faavae” O Le Ekalesia a Iesu Keriso o le Au Paia o Aso e Gata Ai. O le lomiga muamua o le Penina Tau Tele sa lomia i le 1851 ma sa aofia ai ni isi o mea ua i ai nei i le Mataupu Faavae ma Feagaiga. O lomiga na faia talu mai le 1902 sa aofia (1) vaega mai le faaliliuga a Iosefa Samita o le Kenese, e taʼua o le tusi a Mose, ma le Mataio 24, e taʼua o le Iosefa Samita—Mataio; (2) O le faaliliuga a Iosefa Samita o tusitusiga Faa-Aikupito i papairai lea na ia mauaina i le 1835, e taʼua o le tusi a Aperaamo; (3) o se vaega mai le talafaasolopito a Iosefa Samita o le Ekalesia lea na ia tusia i le 1838, e taʼua o le Iosefa Samita—Talafaasolopito; ma lona (4) o Favae o le Faatuatua, faamatalaga e sefulutolu o le talitonuga ma mataupu faavae.