Taʼutaʼu

Ua faaaoga e tusitusiga paia ala e lua o le taʼutaʼu atu. I le tasi itu, o le taʼutaʼu atu, o le faamatala atu o le faatuatua o se tasi i se mea, e pei o le tautino atu o Iesu o le Keriso (Mata. 10:32; Roma 10:9; 1 Ioa. 4:1–3; MF&F 88:104).

I le isi itu, o le taʼutaʼu atu o le faaali atu e se tasi o lona sesē, e pei o le taʼutaʼu atu o agasala. O le tiute o tagata uma o le taʼutaʼu atu o ā latou agasala uma i le Alii ma maua ai lana faamagaloga (MF&F 58:42–43). Pe a tatau ai, e tatau ona taʼutaʼu atu agasala i le tagata po o tagata ua agasala i ai. O agasala mamafa e tatau ona taʼutaʼu atu i se taitai o le Ekalesia (o le epikopo i le tele o taimi).