Usiusitai, Usitai Tagai foi i le Olioli; Faalogo; Faamanuia, Faamanuiaina, Faamanuiaga; Poloaiga a le Atua; Savali, Sāvavali ma le Atua; Tulafono I le itu faaleagaga, o le usiusitai o le faia o le finagalo o le Atua. Na faia e Noa e faapei ona poloai ai le Atua ia te ia i mea uma, Kene. 6:22. Na usiusitai Aperaamo i le Alii, Kene. 22:15–18. O mea atoa uma ua fetalai mai ai le Alii matou te faia lava, Esoto 24:7. O lenei, Isaraelu e ia e faalogologo mai, ma ia le tausi i ai ia faia, Teu. 6:1–3. Ia e alofa atu i le Alii ma faalogo i lona siufofoga, Teu. 30:20. O le faalogo e sili lea i le taulaga, 1 Samu. 15:22. Ia e mataʼu i le Atua ma e anaana i ana poloaiga, Fai. 12:13–14. E le sao atu i le malo o le lagi i latou uma, naʼo lē na te faia le finagalo o loʼu Tamā, Mata. 7:21 (3 Ni. 14:21). Ai se tasi e fia fai lona finagalo, e iloa ai e ia le mataupu pe mai le Atua, Ioane 7:17. E tusa ona sili o lo matou anaana i le Atua i lo matou anaana i tagata, Galu. 5:29. O outou le fanau, ia outou faalogo i ō outou matua, Efe. 6:1 (Kolo. 3:20). O le a ou alu ma faia mea ua poloaiina e le Alii, 1 Ni. 3:7. Sa ou usiusitai i le siufofoga o le Agaga, 1 Ni. 4:6–18. Afai e tausia e le fanauga a tagata poloaiga a le Atua na te tausia i latou, 1 Ni. 17:3. Ia faaeteete neʼi outou usiusitai i le agaga leaga, Mosaea 2:32–33, 37 (MF&F 29:45). E selesele e tagata lo latou taui e tusa ma le agaga latou te usiusitai i ai, Alema 3:26–27. E tatau ona faia e tagata mea e tele i lo latou lava loto malie, MF&F 58:26–29. Ua leai se mea e faatausuai ai le tagata i le Atua, naʼo i latou o e latou te le tautino le iai o lona aao i mea uma ma lē usiusitai i ana poloaiga, MF&F 59:21. O Aʼu o le Alii e noatia aʼu pe a outou faia mea ou te fai atu ai, MF&F 82:10. O tagata taitoatasi o e usiusitai i loʼu leo o le a vaai i oʼu mata ma iloa ua ou iai, MF&F 93:1. E tatau ona aoaiina tagata seia latou aoao le usiusitai, MF&F 105:6. A tatou maua se faamanuiaga mai le Atua, e maua i le usiusitai i lena tulafono ua faavae ai i luga, MF&F 130:21. Sa usiusitai Atamu, Mose 5:5. O le a tatou tofotofoina ai i latou e vaai pe latou te faia mea uma o soo se mea e poloaʼiina ai e le Alii, Ape. 3:25.