Faauuina, Faauuga

I ona po anamua, sa faauuina e perofeta a le Alii i le suāuu i latou o le a faia ni tiute faapitoa, e pei o Arona, po o faitaulaga po o tupu o e o le a pule ia Isaraelu. I le Ekalesia i ona po nei, o le faauu o le liligi lea o se matāūa e tasi pe lua o le suāuu faapaiaina i luga o le ulu o se tasi e avea o se vaega o se faamanuiaga faapitoa. E naʼo na faia lenei mea i lalo lava o le pule ma le mana o le Perisitua Mekisateko. Pe a uma le faauʼuga, o se tagata o i ai le pule a lena lava perisitua, e mafai ona faamauina le faauuga ma tuu atu se faamanuiaga faapitoa i lē na faauuina.