Faresaio, Au Faresaio

I le Feagaiga Fou, o se vaega faalelotu i tagata Iutaia ma o lo latou igoa ua faailoa mai ai le tuueseina po o le vavaeeseina. O le au faresaio sa faamaualuga lava i latou i lo latou matuā tausia le tulafono a Mose ma le aloese i soo se mea e fegalegaleai ai ma tagata o Nuuese. Sa talitonu i latou i se olaga pe a mavae le oti, le toetutū mai, ma le i ai o agelu ma agaga. Sa latou talitonu foi o tulafono e lei tusia ma tu masani e tutusa lava le taua ma tulafono tusia. O ā latou aoaoga sa faaitiitia ai le lotu i le tausia o tulafono ma sa faamalosia ai le faamaualuga faaleagaga. Sa latou faia ia masalosalo le toatele o tagata Iutaia ia Keriso ma lana talalelei. Sa taʼuleagaina e le Alii le au faresaio ma ā latou galuega i le Mataio 23; Mare. 7:1–23; ma le Luka 11:37–44.