Penetikoso

O se vaega o le tulafono a Mose, o le tausamiga o le Penetikoso po o faapolopolo o le fanua sa faia i le limasefulu aso ina ua mavae le tausamiga o le Paseka (Levi. 23:16). O le penetikoso sa faia e faamanatu ai le seleselega, ma i le Feagaiga Tuai sa taʼua le penetikoso o le tausamiga o le seleselega po o le tausamiga o vaiaso. A o faamanatuina le tausamiga lenei na faatutumuina ai le Au Aposetolo i Ierusalema i le Agaga Paia ma sa latou tautatala ai i gagana eseese (Galu. 2; MF&F 109:36–37).