Helamana, Atalii o Tagai foi ia Aneti-Nifae-Liae; Helamana, le Atalii o Alema I le Tusi a Mamona, o atalii o sa Lamanā na liliu mai na taʼua o sa Amonī o e na avea o ni toa i lalo o le taitaiga a Helamana (Alema 53:16–22). Na manatu Helamana e agavaa i latou e taʼua i latou ona atalii, Alema 56:10. Na aoaoina i latou e o latou tinā ia latou le masalomia le mana o le Alii e laveaiina ai i latou, Alema 56:47. Na latou faatoilaloina sa Lamanā ma sa faasaoina i latou i lo latou faatuatua lea na lē fano ai se tasi o i latou, Alema 56:52–54, 56; 57:26.