Fesoasoaniga mo Suesuega
Faamasinogatonu


Faamasinogatonu

O le taunuuga mautinoa o faamanuiaga ona o mafaufauga ma galuega o le amiotonu, ma le faasalaga ona o le agasala e leʼi salamō ai. O le faamasinotonu o se tulafono faavavau e manaomia ai se faasalaga i taimi taitasi e solia ai se tulafono a le Atua (Alema 42:13–24). E ao ona totogi e le tagata agasala le sala pe afai e le salamo o ia (Mosaea 2:38–39; MF&F 19:17). Afai e salamo o ia, e totogi e le Faaola le sala e ala i le Togiola, e faatagisia ai le alofa mutimutivale (Alema 34:16).