Mataupu Autū Tagai foi i le Talalelei O se mataupu faavae, se upumoni, po o se tulafono. O uluai mataupu autu o le talalelei o le faatuatua i le Alii o Iesu Keriso ma le salamo (MFF 1:4). Ia lē tuua ai o mataupu muamua a Keriso, ia tatou faaoo atu i le faaatoatoaga, Epe. 6:1–3. O toeaina, ositaulaga, ma aoao ia aoao atu mataupu autu, ua i ai i totonu o tusitusiga paia, MF&F 42:12. Ia aoaoina atoatoa atili i mataupu autu, i mataupu faavae, i mea uma, MF&F 88:78 (MF&F 97:14). E mafai e tagata taitoatasi ona faia e tusa ma mataupu faavae ma mataupu autu e tusa ma le faitalia ua ʼOu tuu atu ia te ia, MF&F 101:78. Soo se mataupu autu o le atamai tatou te maua i le olaga lenei o le a tu mai faatasi ma i tatou i le toetutu, MF&F 130:18–19.