Iosefa, le Atalii o Iakopo

I le Feagaiga Tuai, o le atalii ulumatua o Iakopo ma Rasela (Kene. 30:22–24; 37:3).

Na maua e Iosefa le tofi o le ulumatua i Isaraelu ona o Reupena, le atalii ulumatua o Iakopo i le avā muamua, na aveesea ia te ia le avanoa e ala i le solitulafono (1 No. 5:1–2). Ona sa agavaa o ia, o Iosefa, i le avea o le atalii ulumatua o Iakopo i le avā lona lua, o ia lea e pito i ai i le faasologa o le faamanuiaga. Sa maua foi e Iosefa se faamanuiaga mai lona tamā i se taimi mulimuli ane a o lei maliu Iakopo (Kene. 49:22–26).

O Iosefa o se alii uiga maoae, o se tagata “mafaufau ma le poto” (Kene. 41:39). O lona tēena o le avā a Potifara o se faataitaiga o le faatuatua, lē gaōiā, ma le faamaoni faaletagata (Kene. 39:7–12). I Aikupito, ina ua faaali atu e Iosefa ona foliga moni i ona uso, sa ia faafetai atu ia i latou ae leʼi tuuaia o i latou i le mea na latou faia ia te ia. Na talitonu o ia o le mea na latou faia na fesoasoani i le faataunuuina o le finagalo paia o le Atua (Kene. 45:4–15).

Ua faaali mai i faaaliga o aso e gata ai le misiona tele atu a le aiga o Iosefa i aso mulimuli (FIS, Kene. 50; 2 Ni. 3:3–24; 3 Ni. 20:25–27).