I le gagana Eleni, o le uiga o le upu Aposetolo, “o se tasi ua auina atu.” O le igoa lea na tuuina atu e Iesu i le Toasefululua o e na ia filifilia ma faauuina e avea ma ona soo mamae ma ona fesoasoani i le taimi o lana misiona i le lalolagi (Luka 6:13; Ioane 15:16). Na ia auina atu i latou e fai ma ona sui ma auauna atu mo ia ina ua afio aʼe o ia i le lagi. I aso anamua ma i le Korama a Aposetolo e Toasefululua i le Ekalesia toefuataiina i ona po nei, o se Aposetolo o se molimau faapitoa ia Iesu Keriso i le lalolagi atoa e molimau i lona paia ma lona toetu mai nai le oti (Galu. 1:22; MF&F 107:23).