Filifiliga

E tusa ai i le agavaa i le muai olaga, na filifilia ai e le Atua o e e avea ma fanau a Aperaamo ma le aiga o Isaraelu ma avea ai ma nuu o le feagaiga (Teu. 32:7–9; Ape. 2:9–11). O nei tagata na tuuina atu i ai faamanuiaga ma tiute faapitoa ina ia mafai ai ona latou faamanuia i atunuu uma o le lalolagi (Roma 11:5–7; 1 Pete. 1:2; Alema 13:1–5; MF&F 84:99). E ui i lea, e oo lava i nei tagata filifilia e ao lava ona valaauina ma filifilia i lenei olaga ina ia maua ai le faaolataga.