O le faamaoni ma le alofa loloto. O le alofa i le Atua e aofia ai le faamaoni, talisapaia, faaaloalo, agavaivai, alofa mutimutivale, loto faamagalo, alofaaga, alofa tunoa, auauna atu, loto faafetai, agalelei. O le faataitaiga silisili o le alofa o le Atua i lana fanau o loo maua i le togiola e lē gata a Iesu Keriso.
Ua faapea lava ona alofa mai o le Atua i le lalolagi, ua ia au mai ai lona Atalii e Toatasi na Fanaua, Ioane 3:16 (MF&F 138:3 ).
Ia outou fealofani; faapei ona ʼou alofa atu ia te outou, Ioane 13:34 (Ioane 15:12, 17 ; Mose 7:33 ).
Afai tou te alolofa mai ia te aʼu, ia outou tausi mai i aʼu poloaiga, Ioane 14:15 (MF&F 42:29 ).
E lē sili lava le alofa o se tasi i lenei alofa, ia tuuina atu e se tasi lona ola e sui ai ana uo, Ioane 15:13 .
Peteru, pe sili mai lou alofa ia te aʼu i lo i latou nei? Ia e fafaga i aʼu mamoe, Ioane 21:15–17 .
E lē mafaia e se mea ona faateaeseina mai i tatou i le alofa o le Atua ia Keriso, Roma 8:35–39 .
E lei vaaia e mata o mea ia ua saunia e le Atua mo i latou o e alolofa ia te ia, 1 Kori. 2:9 .
Ia auauna le tasi i le tasi i le alofa, Kala. 5:13 .
Tane, ia alolofa atu i a outou lava avā, Efe. 5:25 (Kolo. 3:19 ).
Aua tou te mananao i le lalolagi, 1 Ioa. 2:15 .
O le Atua o le alofa lava ia, 1 Ioa. 4:8 .
Ua tatou alofofa ia te ia, auā na ia muaʼi alofa mai ia te i tatou, 1 Ioa. 4:19 .
Ua mafatia Keriso ona o lona alofa agalelei i tagata, 1 Ni. 19:9 .
Fetaomi i luma ma le alofa i le Atua ma tagata uma, 2 Ni. 31:20 .
Tou te aʼoaʼo a outou fanau ia alolofa ma auauna le tasi i le tasi, Mosaea 4:15 .
Afai ua outou lagona le fia pepese i le pese o le alofa togiola, e mafai ea ona outou lagonaina nei? Alema 5:26 .
Ia taitaiina outou e le Agaga Paia, ia onosai, ia tumu i le alofa, Alema 13:28 .
Ia pulea ou tuinanau uma, ina ia mafai ona faatumuina oe i le alofa, Alema 38:12 .
Sa leai se finauga ona o le alofa o le Atua sa mau i loto o tagata, 4 Ni. 1:15 .
O mea uma e valaau mai ia e alofa i le Atua ua musuia e le Atua, Moro. 7:13–16 .
O le alofa mama o le alofa le pona lea o Keriso, Moro. 7:47 .
E lafo ese i fafo e le alofa ua atoatoa le fefe uma, Moro. 8:16 (1 Ioa. 4:18 ).
O le alofa e agavaa ai tagata mo le galuega a le Atua, MF&F 4:5 (MF&F 12:8 ).
E oo mai le faapaiaga ia i latou uma o e e alolofa ma auauna atu i le Atua, MF&F 20:31 .
Afai e te alofa mai ia te aʼu, e te auauna mai ia te aʼu ma tausi i aʼu poloaiga, MF&F 42:29 (Ioane 14:15 ).
Ia faaali atu le alofa faateleina i e ua e faasaʼoina pe aoai, MF&F 121:43 .