Amosa
O se perofeta o le Feagaiga Tuai o lē na vavalo e tusa o le 792 i le 740 T.L.M. i aso o Usia, le tupu o Iuta, ma Ierepoamo, le tupu o Isaraelu.
O le tusi a Amosa
O se tusi i le Feagaiga Tuai. O le tele o valoaga a Amosa na lapataia ai Isaraelu ma ona malo na tuāʼoi ai ia foi mai i le amiotonu.
O mataupu 1–5 ua valaau atu ia Isaraelu ma ona malo e tuāʼoi ai ia salamo. O le mataupu 3 ua faamatala mai e faaali e le Alii ana mealilo i perofeta ma ona o le solitulafono, o le a faaumatia ai Isaraelu e se fili. O le mataupu 6–8 ua valoia ai le paʼū o Isaraelu i le tele o tausaga aʼo leʼi osofaʼia e Asuria. O le mataupu 9, ua valoia ai le toe foi atu o Isaraelu i lona lava laueleele.