O le suia o talitonuga o se tasi, lona loto, ma lona olaga ina ia talia ma ia ogatasi ma le finagalo o le Atua (Galu. 3:19).
O le liliuga e aofia ai se filifiliga manino ia tuuese ai e se tasi ona ala tuai ma ia suia ina ia avea ai o se soo o Keriso. O le salamo, papatisoga mo le faamagaloga o agasala, taliaina o le Agaga Paia e ala i le faaeega o lima, ma le tumau pea i le faatuatua i le Alii o Iesu Keriso e faaatoatoaina ai le liliuga. O se tagata faaletino o le a suia i se tagata fou o se ua faapaiaina ma ua mama, ua toe fanauina ia Keriso Iesu (2 Kori. 5:17; Mosaea 3:19).