Folafolaga Aloaia—2

O se faamatalaga tau i mataupu faavae e uiga i e e mafai ona umia le perisitua a le Atua, lea ua lomia nei i itulau mulimuli o le Mataupu Faavae ma Feagaiga. O le amataga o Iuni 1978, na faaali ai e le Alii ia Peresitene Spencer W. Kimball e tatau ona tuuina atu le perisitua i alii agavaa uma o le Ekalesia. O lenei faaaliga ua mafai ai ona avanoa le perisitua i alii agavaa uma ma faamanuiaga o le malumalu ua avanoa i tagata agavaa uma o le Ekalesia, e tusa lava po o le a le ituaiga po o le lanu. O le aso 30 Setema 1978, sa tuuina atu ai lenei folafolaga i le konafesi aoao a le Ekalesia ma taliaina ai ma le lotogatasi.