O le tagata lona tolu o le Aiga-atua (1 Ioa. 5:7 ; MF&F 20:28 ). O ia o se peresona Agaga, e leai se tino o ʼaʼano ma ivi (MF&F 130:22 ). O le Agaga Paia e masani ona taʼua o le Agaga, po o le Agaga o le Atua.
O le Agaga Paia e tele galuega taua na te faia i le ata o le faaolataga. (1) Na te molimau mai e uiga i le Tamā ma le Alo (1 Kori. 12:3 ; 3 Ni. 28:11 ; Eteru 12:41 ). (2) Na te faaali mai le moni o mea uma (Ioane 14:26 ; 16:13 ; Moro. 10:5 ; MF&F 39:6 ). (3) Na te faapaiaina i latou o e ua salamo ma ua papatisoina (Ioane 3:5 ; 3 Ni. 27:20 ; Mose 6:64–68 ). (4) O ia o le Agaga Paia o le Folafolaga (MF&F 76:50–53 ; 132:7, 18–19, 26 ).
O le mana o le Agaga Paia e mafai ona oo mai i luga o se tagata ae lei papatiso ma molimau mai i le moni o le talalelei. Peitai o le aiā e maua ai le mafutaga tumau a le Agaga Paia, pe afai ua agavaa se tasi, o se meaalofa lena e naʼo le faaee o lima mai se tasi ua umia le Perisitua Mekisateko e mafai ona maua ai, ina ua uma ona papatisoina o le tagata i le pule tatau ai i le Ekalelsia moni a Iesu Keriso.
Na aʼoaʼo mai Iesu o agasala uma e mafai ona faamagaloina vagana ai le upuleaga i le Agaga Paia (Mata. 12:31–32 ; Mare. 3:28–29 ; Luka 12:10 ; Epe. 6:4–8 ; MF&F 76:34–35 ).
Na faatonuina le au aposetolo e papatiso atu i le suafa o le Tamā, le Alo, ma le Agaga Paia, Mata. 28:19 .
E aoao ia te outou e le Agaga Paia i mea uma lava, Ioane 14:26 .
O tagata paia na talatalaina mai ina ua osofia mai e le Agaga Paia, 2 Pete. 1:21 .
Na taitaiina Nifae e le Agaga, 1 Ni. 4:6 .
O le a faaalia ia te i latou mealilo a le Atua e ala i le mana o le Agaga Paia, 1 Ni. 10:17–19 .
E faaali mai e le Agaga Paia mea uma e tatau ona outou faia, 2 Ni. 32:5 .
O le mana o le Agaga Paia e mafai ona outou iloa ai le moni o mea uma lava, Moro. 10:5 .
O le a taʼu atu e le Agaga Paia ia te oe i lou mafaufau ma lou loto, MF&F 8:2 .
O le Agaga e taitai atu ia fai mea lelei, MF&F 11:12 .
E silafia e le Agaga Paia mea uma, MF&F 35:19 .
E aoao atu e le Agaga Paia mea filemu o le malo, MF&F 36:2 (MF&F 39:6 ).
Afai tou te lē maua le Agaga, ʼaua tou te aoao atu, MF&F 42:14 .
O le Agaga Paia e molimau e uiga i le Tamā ma le Alo, MF&F 42:17 (1 Kori. 12:3 ; 3 Ni. 11:32, 35–36 ).
O ni isi ua tuuina mai i ai e le Agaga Paia ia latou iloa o Iesu Keriso o le Alo o le Atua, MF&F 46:13 .
Soo se mea o le a latou tautala atu ai pe a uunaia ai e le Agaga Paia o tusitusiga paia ia, MF&F 68:4 .
O le a liligi atu le Agaga Paia e molimau i mea uma lua te fai atu ai, MF&F 100:8 .
O le a avea le Agaga Paia ma au soa e lē aunoa, MF&F 121:45–46 .