O soo o Satani o le a mafatia faatasi ma ia i le faavavau. O atalii o le malaia e aofia ai (1) i latou o e na mulimuli ia Satani ma sa tuliese mai le lagi ona o le fouvale i le muaiolaga, ma lona (2) o i latou o e na faatagaina e fananau mai i lenei lalolagi ma tino faaletino ae na auauna atu ia Satani ma sa matua liliu atu e tetee i le Atua. O i latou o i ai i lenei vaega lona lua o le a toetutu mai i le oti ae o le a lē togiolaina mai le oti lona lua (faaleagaga) ma e lē mafai foi ona mau ai i se malo o le mamalu (MF&F 88:32, 35).