Amiotonu, Amiogatonu Tagai foi i le Agavaa; Amioletonu, Amiogaletonu; Faamaoni; Poloaiga a le Atua; Savali, Sāvavali ma le Atua O le faamasinotonu, paia, amiomamā, amiosao; o le usiusitai i poloaiga a le Atua; aloese i le agasala. Amiosao, faamaoni, ma le amiotonu. Seia oo lava i loʼu oti ou te lē faateaina lava laʼu amiosao, Iopu 27:5. E faamanuia Ieova i lē ua amiotonu, Sala. 5:12. O fofoga o Ieova o loo faasaga mai i e amiotonu, Sala. 34:15, 17 (1 Pete. 3:12). E savali ma le tonu lē ua amiotonu, Faata. 20:7. A pule e amiotonu, ua olioli le nuu, Faata. 29:2 (MF&F 98:9–10). Amuia e fia aai ma fia inu i le amiotonu, Mata. 5:6 (3 Ni. 12:6). Ia outou muai saili le malo o le Atua ma lana amiotonu, Mata. 6:33. O e amiotonu e o atu i le ola e faavavau, Mata. 25:46. Ua aoga tele le tatalo faatauanau a le tagata amiotonu, Iako. (FF) 5:16. O lē ua amiotonu e faapitoa e le Atua, 1 Ni. 17:35. O le a faasaoina e ua amiotonu, e lē tatau ona matataʼu, 1 Ni. 22:17, 22. O le a leai se mana a Satani ona o le amiotonu o tagata o le Alii, 1 Ni. 22:26. Afai e leai se amiotonu e leai se fiafia, 2 Ni. 2:13. Oe ua amiotonu o le a fai mo o latou tofi le malo o le Atua, 2 Ni. 9:18. O e amiotonu e le matatau i afioga o le upumoni, 2 Ni. 9:40. O tagata uma lava e tatau ona suia i se tulaga o le amiotonu, Mosaea 27:25–26. O igoa o e amiotonu o le a tusia i le tusi o le ola, Alema 5:58. O i latou o tagata e faamaoni i taimi uma i soo se mea na faatuatuaina ai i latou, Alema 53:20. Sa outou saili mo le fiafia i le fai o le amioletonu, o se mea e lē tusa ai ma le natura o le amiotonu, Hela. 13:38. O le pese a e amiotonu o se tatalo ia te aʼu, MF&F 25:12. Ia tutumau, ia ʼofuina le ufifatafata o le amiotonu, MF&F 27:16 (Efe. 6:14). O le oti o e amiotonu e suamalie ia te i latou, MF&F 42:46. O le a faapotopoto mai e amiotonu i fafo mai atunuu uma, MF&F 45:71. E tatau i tagata ona aumai le amiotonu tele i lo latou lava loto malie, MF&F 58:27. O lē e faia galuega o le amiotonu o le a maua le filemu i le lalolagi lenei ma le ola e faavavau i le lalolagi a sau, MF&F 59:23. I le Afio Mai Faalua, o le a i ai le tuueseesega atoa o e amiotonu ma e amioleaga, MF&F 63:54. O mana o le lagi e lē mafai ona pulea tau lava i mataupu autu o le amiotonu, MF&F 121:36. E alofa le Alii ia Ailama Samita ona o le faamaoni o lona loto, MF&F 124:15. Sa i ai le filemu i luga o e amiotonu, MF&F 138:22. Sa mau le nuu o Siona i le amiotonu, Mose 7:18. Sa avea Aperaamo o se soo o le amiotonu, Ape. 1:2.