O le faatagaga tuuina atu i tagata i le lalolagi o e e valaʼauina pe faauʼuina e galulue ai ma fai ma sui o le Atua le Tamā po o Iesu Keriso i le faia o le galuega a le Atua.
Na ia tuu atu le pule i soo e toasefululua, Mata. 10:1 .
Ua le filifilia aʼu e outou, a ua filifilia outou e aʼu, ma tofia outou, Ioane 15:16 .
Na talai atu Nifae ma Liae ma le mana tele, Hela. 5:18 .
O Nifae, le atalii o Helamana, o se tagata o le Atua, sa i ai le mana tele ma le pule mai ia te ia mai le Atua, Hela. 11:18 (3 Ni. 7:17 ).
Na tuuina atu e Iesu le mana ma le pule i sa Nifaē e toasefululua, 3 Ni. 12:1–2 .
Na valaauina Iosefa Samita e le Atua ma faauuina, MF&F 20:2 .
E leai se tasi e talai atu laʼu talalelei pe ati aʼe laʼu Ekalesia vagana ai ua faauuina o ia ma ua lauiloa i le Ekalesia ua ia te ia le pule, MF&F 42:11 .
E talai atu e toeaina le talalelei, e faia foi i le pule, MF&F 68:8 .
Ua i ai i le Perisitua Mekisateko le pule e taitai ai i mea faaleagaga, MF&F 107:8, 18–19 .
O mea ua faia i le pule paia e avea ma tulafono, MF&F 128:9 .