Malaki

O le tusi po o le valoaga a Malaki o le tusi mulimuli i le Feagaiga Tuai. E foliga mai e mulimuli lenei tusi i autu faapitoa e fa: (1) o agasala a Isaraelu—Malaki 1:6–2:17; 3:8–9; (2) o faamasinoga e oo mai i luga o Isaraelu ona o lo latou lē usiusitai—Malaki 1:14; 2:2–3, 12; 3:5; (3) o folafolaga ona o le usiusitai—Malaki 3:10–12, 16–18; 4:2–3; ma lona (4) o valoaga e faatatau ia Isaraelu—Malaki 3:1–5; 4:1, 5–6 (MF&F 2; 128:17; IS—T 1:37–39).

I lana valoaga, na tusia e Malaki e uiga ia Ioane le Papatiso (Mala. 3:1; Mata. 11:10), le tulafono o le sefuluai (Mala. 3:7–12), le afio faalua mai o le Alii (Mala. 4:5), ma le toe foi mai o Elia (Mala. 4:5–6; MF&F 2; 128:17; IS—T 1:37–39). Na sii atu e le Faaola le mataupu 3 ma le 4 o le Malaki i tagata sa Nifaē (3 Ni. 24–25).