Na fetalai mai le Alii, o le a faamasinoina tagata uma lava e tusa ma ō latou faamoemoega, uiga, manaoga, ma amioga.
O le matua e faamasinoina ai, o le taimi lea e manatu ai i fanau ua mafai ona faamasinoina i a latou amioga ma ua mafai ona fai le agasala ma salamō ai.
Upu faatauvaa uma latou te talatala atu ai le tala i le aso faamasino, Mata. 12:36 .
Tala mai ia le tala i mea na e pule i ai, Luka 16:2 .
E taitasi i tatou ona tala i lana amio i le Atua, Roma 14:12 .
E faamasinoina o e ua oti e tusa i ā latou galuega, Faaa. 20:12 .
O ā tatou upu, galuega, ma mafaufauga e taʼusalaina ai i tatou, Alema 12:14 .
O i tatou o ō tatou lava faamasino, pe fai le lelei po o le leaga, Alema 41:7 .
Ua faatagaina outou tou te fai mo outou lava, Hela. 14:29–31 .
O le mea lenei ia outou aoao atu—o le salamo ma le papatisoga i ā i latou o e ua tali atu, Moro. 8:10 .
E ao ona salamo ma ia papatisoina i latou uma lava ua oʼo atu i tausaga o le tali mai, MF&F 18:42 .
E le mafai e Satani ona faaosoosoina tamaiti laiti, seʼi oo ina amata ona tali mai i latou i oʼu luma, MF&F 29:46–47 .
Ia papatisoina fanau pe a valu tausaga le matutua, MF&F 68:27 .
E tali tagata taitoatasi mo ana lava agasala i le aso o le faamasinoga, MF&F 101:78 .
Ua tuu atu i tagata ia iloa le lelei mai le leaga; o le mea lea o i latou o ni pule i ā i latou lava, Mose 6:56 .
O le a faasalaina tagata mo ā latou lava agasala, MFF 1:2 .