Asuria

O se malo anamua, lea faatasi ma lona fili o Papelonia, sa pulea le tele o setete tuai o Suria ma Palesitina i le tele o taimi o le Feagaiga Tuai. E ui lava sa avea Asuria ma se malo malosi mai le vaeluaga o le Sefululua o senituri T.L.M. seia oo atu i le faaiuga o lona Fitu o senituri T.L.M., ae sa lei mafai lava e i latou ona faatuina ai se malo mausalī. Sa latou pule i le taufaamatau, i le faaumatia o o latou fili i le afi ma le pelu po o le faavaivaia o i latou i le aveina atu o ni vaega tetele o i latou i isi mea o lo latou malo. Sa le mafai ona taofia malo na latou pulea i le avea ma o latou fili, ma o le gasologa atoa o le malo na faailogaina i fouvalega e lē mavae. (Tagai i le 2 Tu. 18–19; 2 No. 32; Isai. 7:17–20; 10; 19; 37.)