O Atamu o le tamā ma le peteriaka o le fanauga a tagata i le lalolagi. O lana solitulafono i le Faatoaga o Etena (Kene. 3; MF&F 29:40–42; Mose 4) na mafua ai ona “paʼū” o ia ma avea ai ma tagata faaletino, o se laasaga tatau lea ina ia mafai ai e tagata ona alualu i luma i lenei lalolagi (2 Ni. 2:14–29; Alema 12:21–26). O lea e tatau ai ona faamamaluina Atamu ma Eva i le mea na la faia ua mafai ai ona maua lo tatou alualu i luma e faavavau. O Atamu ua taʼua o lē ua mai Anamuā ona Aso ma ua lauiloa foi o Mekaeli (Tani. 7; MF&F 27:11; 107:53–54; 116; 138:38). O ia o le agelusili ma o le a toe sau i le lalolagi o le peteriaka o le aiga o tagata e sauniuni mo le afio faalua mai o Iesu Keriso (MF&F 29:26).