Tagatavāai

O se tagata ua tofia e le Atua e vaai i ona mata faaleagaga i mea ua natia e le Atua mai le lalolagi (Mose 6:35–38). O ia o se talifaaaliga ma se perofeta (Mosaea 8:13–16). I le Tusi a Mamona, na aoao mai Amona e naʼo se tagatavāai e mafai ona faaaogaina maa faamatalagagana faapitoa, po o se Urima ma se Tumena (Mosaea 8:13; 28:16). O se tagatavāai na te iloa le tuanai, le taimi nei, ma le lumanai. O ona po anamua, sa masani lava ona taʼua se perofeta o se tagatavāai (1 Samu. 9:9; 2 Samu. 24:11).

O Iosefa Samita o le tagatavāai maoae o aso e gata ai (MF&F 21:1; 135:3). E lē gata i lea, o le Au Peresitene Sili ma le Aufono a le Toasefululua ua lagolagoina o ni perofeta, tagatavāai, ma talifaaaliga.