Fesoasoaniga mo Suesuega
Ieova


Ieova

O le suafa faafeagaiga ma le tatau o le Atua o Isaraelu. O lea igoa ua faailoa mai ai le “faavavau O Aʼu Lava” (Esoto 3:14; Ioane 8:58). O Ieova o Iesu Keriso o le muaiolaga ma na sau i le lalolagi o se tama a Maria (Mosaea 3:8; 15:1; 3 Ni. 15:1–5). E masani lava, pe a faaali mai le upu Alii i le Feagaiga Tuai, e faatatau ia Ieova.

O Ieova o Keriso

Sa lauiloa Ieova i perofeta anamua (Esoto 6:3; Ape. 1:16). Na aoao mai le Aposetolo o Paulo o Keriso o le Ieova o le Feagaiga Tuai (Esoto 17:6; 1 Kori. 10:1–4). O le uso o Iareto i le Tusi a Mamona na vaai ia Keriso ma tapuai ia te ia ao lei afio mai i le lalolagi (Eteru 3:13–15). Sa taʼua foi Keriso e Moronae o Ieova (Moro. 10:34). I le Malumalu o Katelani, sa vaai ai Iosefa Samita ma Oliva Kaotui ia Ieova Toetu (MF&F 110:3–4).