Teuteronome

O lona uiga o le “toe faiga o le tulafono” ma le tusi lona lima o le Feagaiga Tuai.

O loo i le Teuteronome lauga mulimuli e tolu a Mose, lea na ia tuuina atu i luga o laueleele laugatasi o Moapi a o lei liua o ia. O le lauga muamua (mataupu 1–4) o le faatomuaga. O le lauga lona lua (mataupu 5–26) e aofia ai vaega e lua: (1) mataupu 5–11—o Poloaiga e Sefulu ma le faamatalaga i le faatinoga o ia poloaiga; ma lona (2) mataupu 12–26—o se taiala o tulafono, o le autū o le tusi atoa. O le lauga lona tolu (mataupu 27–30) o loo i ai se faafouga o feagaiga paia i le va o Isaraelu ma le Atua ma le folafolaga o faamanuiaga e mulimuli atu i e usiusitai ma fetuu e mulimuli atu i e lē usiusitai. O le mataupu 31–34 ua faamatala mai ai le tuuina atu o le tulafono i sa Levī, o le pese a Mose ma le faamanuiaga mulimuli, ma le alu ese atu o Mose.