Kalatia, Tusi i Tagata

O se tusi i le Feagaiga Fou. O se tusi sa muai tusia e le Aposetolo o Paulo i le Au Paia sa nonofo i Kalatia. O le autu o lenei tusi e faapea, o le saolotoga moni e nao le ola i le talalelei a Iesu Keriso e mafai ona maua ai. Afai e tausia e le Au Paia aoaoga a Kerisiano Iutaia o e sa tausisi e tausi i le Tulafono a Mose, o le a latou faatapulaaina pe le faaumatia le saolotoga lea na latou maua ia Keriso. I le tusi a Paulo na faaalia ai e ia lona lava tulaga o se Aposetolo, na faamalamalama atu ai le mataupu o le amiotonu i le faatuatua, ma faamautūina ai le taua o se lotu faaleagaga.

O le mataupu 1 ma le 2, ua faaali ai e Paulo le faanoanoa i tala na ia maua e uiga i le liliuese o tagata Kalatia ma ua faamanino mai ai lona tulaga i le au Aposetolo. O le mataupu 3 ma le 4 o loo talanoaina ai mataupu faavae e uiga i le faatuatua ma galuega. O le mataupu 5 ma le 6 o loo i ai se lauga i le taunuuga o le faatinoga o le mataupu faavae o le faatuatua.