Faalogo Tagai foi i le Usiusitai, Usitai; Taliga O le faalogo lea ma le usiusitai i le siufofoga po o aoaoga a le Alii. E faatuina e le Alii se perofeta e pei lava o ia, tou te faalogo ia te ia, Teu. 18:15. O le faalogo e sili lea i gaʼo o mamoe poa e osi ai taulaga, 1 Samu. 15:20–23. E leʼi faalogo i matou i auauna a le Alii, le au perofeta, Tani. 9:6. O e ua amiotonu e faalogo i upu a perofeta e lē fano, 2 Ni. 26:8. Afai tou te lē faalogo i le siufofoga o le leoleo mamoe lelei, e lē o ni ana mamoe outou, Alema 5:38 (Hela. 7:18). Faalogo mai ia, outou e tagata o laʼu ekalesia, MF&F 1:1. O e faalogo i le siufoga o le Agaga e faamalamalamaina ma ō mai i le Tamā, MF&F 84:46–47. Sa gese ona latou faalogo i le Alii; o lea, ua gese ai ona faafofoga o ia ia latou tatalo, MF&F 101:7–9. E aoaiina i latou o e le faalogo i poloaiga, MF&F 103:4 (Mose 4:4).