Siteki

O se tasi o iunite faatulagaina ma le pulea o Le Ekalesia a Iesu Keriso o le Au Paia o Aso e Gata Ai. O se siteki e aofia ai ni uarota po o ni paranesi. E masani lava ona i ai ona tuaoi faatulagaina ma e mulimuli lava i le faatusa o se faleie e pei ona faamatalaina i le Isaia 54:2. “Ia faaumiumiina au maea, ma ia malolosi au fao.” O siteki taitasi o Siona e lagolagoina ma fesoasoani e talitali aʼe le Ekalesia i le ala lea e pei o se faleie po o se fale fetafai o loo mafai ai ona talitali aʼe i ona siteki po o fao. O se siteki o se nofoaga o le faapotopotoga mo e ua totoe o Isaraelu ua faataapeapeina (MF&F 82:13–14; 101:17–21).