Faatīgā, Faatausuai O le solia o se tulafono paia, o le faia o se agasala, po o le faatupuina o se mea e tiga pe manuʼa ai; pe faatupu ai le lē fiafia pe faasoesa. O le tagata ua agaleagaina, e sili o ia ona faigata i le olo, Faata. 18:19. Afai e te tausuai i lou mata taumatau, ina sali ese ia, Mata. 5:29. Ai se na te faatausuai se tasi o i latou nei e faatauvaa o e faatuatua ia te aʼu, e lelei i lea tagata pe ana faagotoina o ia i le moana loloto, Mata. 18:6 (MF&F 121:19–22). Afai e faatausuai mai sou uso po o sou tuafafine ia te oe ma taʼutaʼu mai, ia e faalelei atu i ai, MF&F 42:88. Ua leai se mea e faatausuai ai le tagata i le Atua, naʼo i latou o e latou te lē taʼutino atu le i ai o lena lima ma lē usiusitai i ana poloaiga, MF&F 59:21.