Lotofuatiaifo

O le lagona i totonu o le loto o le saʼo ma le sese, e sau mai le Malamalama o Keriso i tagata uma lava (Moro. 7:16). Ua tatou fananau mai ma se malosi faavae e iloa ai le eseesega i le va o le saʼo ma le sese ona o le Malamalama o Keriso ua tuuina mai i tagata uma lava (MF&F 84:46). O le tomai lenei ua taʼua o le lotofuatiaifo. O le mauaina o lenei lotofuatiaifo ua avea ai i tatou ma tagata ua i ai tiutetauave. E pei lava o isi tomai, o o tatou lotofuatiaifo e mafai ona faaumatia e ala i le agasala po o le faaaoga sesē.

Ua lava ona aoaoina o tagata ua latou iloa ai le lelei mai le leaga, 2 Ni. 2:5.
Sa i ai i le Tupu o Peniamina le mafaufau mama i luma o le Atua, Mosaea 2:15.
Sa faatumuina tagata sa Nifaē i le olioli, ina ua maua o le filemu o le mafaufau, Mosaea 4:3.
Sa atuatuvale Seseroma i lona iloa o lana lava agasala, Alema 14:6.
E tuuina mai ia te i tatou le oliʼoli po o le faanoanoa o le mafaufau e tusa ma ō tatou manaoga, Alema 29:5.
O se faasalaga ma se tulafono faamasinotonu e aumai ai le faanoanoa i le mafaufau, Alema 42:18.
Ua tuuina mai i tagata taitoatasi le Agaga o Keriso ina ia mafai ona iloa e ia le lelei mai le leaga, Moro. 7:16.