O le ofo atu lea e le tagata o ia lava ia aloese mai le ʼai po o le inu mo le faamoemoe ia faalatalata atu ai i le Alii ma talosagaina ai ana faamanuiaga. Pe a anapogi tagata taitoatasi po o se vaega o tagata, e tatau foi ona latou tatalo ina ia latou malamalama ai i le finagalo o le Atua ma faatupuina ai se malosi faaleagaga e sili atu. O le anapogi o se mea lea e faia pea e tagata ua talitonu faamaoni.
I le Ekalesia i ona po nei, e tasi le Aso Sa ua fuafuaina i masina taitasi mo le faamoemoega o le anapogi. I lenei taimi, e le aai pe inu tagata o le Ekalesia i itula e luasefulufa. Ona latou tuuina atu ai lea i le Ekalesia le tupe sa tatau ona latou faaaluina mo meaʼai mo na taumafautaga e lei aai ai. O le tupe lenei e taʼua o le taulaga anapogi. E faaaoga e le Ekalesia le taulaga anapogi e fesoasoani i e matitiva ma lē tagolima.