Tesalonia, Tusi i Tagata
O tusi e lua i le Feagaiga Fou. O ia tusi sa tusia e Paulo i tagata Tesalonia a o i ai o ia i Korinito i lana asiasiga muamua i Europa e tusa o le 50 T.A. O lana galuega i Tesalonia o loo faamatalaina i le Galuega 17. Sa fia toe foi atu Paulo i Tesalonia ae sa lē mafai e ia ona faia lena mea (1 Tesa. 2:18). O lea na ia auina atu ai Timoteo e faamalosi i e na liliu mai ma aumaia se tala ia te ia po o faapefea mai i latou. Sa tusia e Paulo le tusi muamua o se taunuuga o lana faafetai i le foi manuia mai o Timoteo.
Tesalonia Muamua
O le mataupu 1–2 o loo i ai alofaaga o Paulo ma lana tatalo mo le Au Paia; o le mataupu 3–5 ua tuuina mai ai faatonuga i le faatupuina faaleagaga, alofa, lē gaōiā, filiga, ma le afio faalua mai o Iesu Keriso.
Tesalonia e Lua
O le mataupu 1 o loo i ai se tatalo mo le Au Paia. O le mataupu 2 o loo tautala i le oo mai o le liliuese. O le mataupu 3 o loo i ai le tatalo a Paulo mo le manumalo o le faamoemoega o le talalelei.