O le foliga faaletino ma le iuvale o aano ma ivi na faia i le faatusa o le Atua ua tuufaatasi ma se agaga ua avea ai o se tagata ola. O tino faaletino o alii ma tamaitai uma o le a toe faatasia e faavavau ma ō latou agaga i le toetutū. O nisi taimi ua faamatala ai e tusitusiga paia le toe faʼatasia o se tino ma se agaga, o le tagata ola (Kene. 2:7; MF&F 88:15; Mose 3:7, 9, 19; Ape. 5:7).
O le tino e tele ona uiga: (1) o aano vaivai ia ua fai ai tino o tagata, manuvaefa, manulele, po o iʼa; (2) o le iuvale; ma lona (3) faaletino po o le natura faalelalolagi o le tagata.