Aiga

E pei ona faaaoga i tusitusiga paia, o se aiga e aofia ai se tane ma se avā, fanau, ma o ni isi taimi o isi tagata e aiga e nonofo faatasi i le fale e tasi po o lalo ifo o le ulu o le aiga e tasi. E mafai foi ona avea o se aiga se matua e toatasi ma le fanau, po o se tane ma se avā e aunoa ma se fanau, po o se tagata nofofua foi o loo nofo toatasi. E tatau ona avea le aiga ma nofoaga tutotonu o gaoioiga o le talalelei ma le aiga.

Tulaga Aoao

Tiute o matua

E poloai atu e Aperaamo i ana fanau, latou te tausia le ala o le Alii, Kene. 18:17–19.
Ia e matuā aoao soo ai nei upu i lau fanau, Teu. 6:7 (Teu. 11:19).
Ia saoloto se tane i le aiga e faafiafia atu i lana avā, Teu. 24:5.
O lē ua alofa i lona atalii ua saili le aoaiga mo ia, Faata. 13:24 (Faata. 23:13).
Aoao ia i le tama e tusa ma lona ala, Faata. 22:6.
Ia e fiafia i lou ola faatasi ma le avā ua e alofa i ai, Fai. 9:9.
E aʼoaʼoina lau fanau uma e le Alii, Isai. 54:13 (3 Ni. 22:13).

Sa ia apoapoai atu ia i laua ma lagona uma o se matua alofa, 1 Ni. 8:37.
Ua matou tautala tele e uiga ia Keriso ina ia mafai ona iloa ai e a matou fanau po o le a le puna e mafai ona latou vaai i ai, 2 Ni. 25:26.
Ua alolofa a latou tane ma a latou avā ia latou fanau, Iako. (TM) 3:7.
Aoao i latou ia alofa le tasi i le tasi ma auauna le tasi i le tasi, Mosaea 4:14–15.
Ia outou puipuia o outou aiga e oo lava i le faamasaaina o le toto, Alema 43:47.
Ia o atu i o outou fale ma mafaufau i luga o mea na ʼou fai atu ai, 3 Ni. 17:2–3.
Ia tatalo i o outou aiga ina ia faamanuiaina a outou avā maʼā outou fanau, 3 Ni. 18:21.
Na ou uunai atu ia te i latou ia tau mo a latou avā, ma a latou fanau, ma o latou fale, ma o latou aiga, Mamona 2:23.

Tiutetauave o le tamaitiiti

Aiga e faavavau

Ua tuuina mai i le Mataupu Faavae ma Feagaiga le uiga faavavau o le mafutaga i le faaipoipoga ma le aiga. O le faaipoipoga faaselesitila ma le faaauau pea o le iunite faaleaiga o le a mafai ai e tane ma avā ona avea ma atua (MF&F 132:15–20).