O mealilo a le Atua o upumoni faaleagaga ia e naʼo faaaliga e mafai ai ona malamalama i ai. E faaali mai e le Alii ana mealilo ia te i latou o e usiusitai i le talalelei. O ni isi o mealilo a le Atua e lei faaalia mai.
Ua foaiina atu ia te outou ia outou iloa mealilo a le malo o le lagi, Mata. 13:11 .
Afai o ia te aʼu le iloa o mealilo uma ae leai soʼu alofa, ou te lē aoga lava, 1 Kori. 13:2 .
Sa maua e Nifae se malamalama tele e uiga i mealilo a le Atua, 1 Ni. 1:1 .
Ua tuuina mai i le toatele ia latou iloa mealilo a le Atua, Alema 12:9 .
O tagata faapea ua tuuina mai i ai ia latou iloa mealilo a le Atua, Alema 26:22 .
O nei mealilo e lei faailoa atoatoa mai ia ia te aʼu i le taimi nei, Alema 37:11 .
E tele mealilo e leai se tasi na te iloaina vagana ai le Atua lava ia, Alema 40:3 .
Ua matua tele lava mealilo o le faaleatua, MF&F 19:10 .
Afai e te ole mai, o le a e maua faaaliga ma iloa ai mealilo o le malo a le Atua, MF&F 42:61, 65 (1 Kori. 2:7, 11–14 ).
O lē ua tausi i poloaiga o le a tuuina atu i ai mealilo a le malo, MF&F 63:23 .
O i latou o le a ou faaali atu i ai mealilo uma, MF&F 76:7 .
O le perisitua tele e umia le ki o mealilo, MF&F 84:19 .
I lona afio mai o le a faaali mai ai e le Alii o mea natia sa lei iloa e se tagata, MF&F 101:32–33 .
O le Perisitua Mekisateko o le mauaina o le avanoa e maua ai mealilo a le malo, MF&F 107:19 .