O le laveai, faatauina mai, po o le faasaoina mai, e pei o le faasaolotoina mai o se tagata mai le pologa i le totogiina o se sala. O le togiola e faatatau lea i le togiola a Iesu Keriso ma le laveaiga mai le agasala. O Iesu Keriso o le Togiola sili o tagata auā, e ala i lana togiola, na ia totogi ai le tau o agasala a tagata ma ua mafai ai ona toetutū mai tagata uma, o i latou foi e faatuatua ia te ia ma salamo ua togiolaina foi mai le oti faaleagaga.
E te faaigoa ia te ia o Iesu, auā e faaola e ia lona nuu mai a latou agasala, Mata. 1:21 .
Na sau le Atalii o le tagata e foaiina atu lona ola e fai ma togiola e sui aʼi tagata e toatele, Mata. 20:28 (1 Timo. 2:5–6 ).
Ua asiasi mai le Alii le Atua o Isaraelu ma togiolaina lona nuu, Luka 1:68 .
Ua lelei i tatou ma le Atua i le maliu o lona Alo, Roma 5:10 .
O Keriso foi ua tatou maua ai le togiola i lona toto, Efe. 1:7, 14 (Epe. 9:11–15 ; 1 Pete. 1:18–19 ; Alema 5:21 ; Hela. 5:9–12 ).
Na foaiina mai e Iesu Keriso o ia mo i tatou, e togiola aʼi i tatou mai le solitulafono uma lava, Tito 2:13–14 .
Na fufulu mai ia te i tatou e Iesu Keriso i a tatou agasala i lona lava toto, Faaa. 1:5 .
Ua togiolaina loʼu agaga e le Alii mai seoli, 2 Ni. 1:15 .
E oo mai ma ala mai le togiolaina i le Mesia Paia, 2 Ni. 2:6–7, 26 (Mosaea 15:26–27 ; 26:26 ).
Na ave e le Alo i ona luga agasala ma solitulafono a tagata, ma togiolaina i latou, ma faamalie manaoga o le faamasinotonu, Mosaea 15:6–9, 18–27 .
Sa latou pepeseina le alofa togiola, Alema 5:9 (Alema 5:26 ; 26:13 ).
Na afio mai Keriso e togiola i latou o e e papatiso i le salamo, Alema 9:26–27 .
O le a afio mai o ia i le lalolagi e togiola ona tagata, ae tumau e e amioleaga e peiseai e leai se togiola na faia, Alema 11:40–41 (Alema 34:16 ; 42:13 ; Hela. 14:16–18 ).
E oo mai le togiolaina e ala i le salamo, Alema 42:13–26 .
Na afio mai Iesu Keriso e togiola le lalolagi, Hela. 5:9–12 .
Na togiolaina e Keriso tagata mai le oti faaletino ma le oti faaleagaga, Hela. 14:12–17 .
E oo mai le togiolaina e ala ia Keriso, 3 Ni. 9:17 .
Ua faataunuuina e Iesu Keriso le togiolaina o le lalolagi, Mamona 7:5–7 .
O Aʼu o lē na saunia mai le faavaega o le lalolagi e togiola lou nuʼu, Eteru 3:14 .
E oo mai le mana o le togiola i luga o i latou uma ua aunoa ma le tulafono, Moro. 8:22 (MF&F 45:54 ).
Na mafatia le Alii lo oulua Togiola i le oti i la le tino, MF&F 18:11 .
Na mafatia Keriso mo tagata uma pe afai latou te salamo, MF&F 19:1, 16–20 .
O e e lē talitonu e lē mafai ona togiolaina i latou mai lo latou paʼū faaleagaga, MF&F 29:44 .
Ua togiolaina tamaiti laiti e ala i le Toatasi na Fanaua mai le faavaega o le lalolagi, MF&F 29:46 .
Sa ʼOu auina atu loʼu Atalii e Toatasi na Fanaua i le lalolagi mo le togiolaina o le lalolagi, MF&F 49:5 .
Ua togiolaina e le Alii lona nuu, MF&F 84:99 .
O Keriso o le malamalama ma le Togiola o le lalolagi, MF&F 93:8–9 .
Na vaai Iosefa F. Samita i se faaaliga vaaia i le togiolaina o e ua oti, MF&F 138 .
Na olioli Atamu ma Eva i lo laua togiolaina, Mose 5:9–11 .
Matou te talitonu e mafai ona faaolaina tagata uma i le togiola a Keriso, MFF 1:3 .