Neemia
O se Isaraelu faaaloalogia i Papelonia i le Feagaiga Tuai (o se sa Levī pe mai le ituaiga o Iuta) sa umia e ia le tofi o le tautū uaina i le maota o Aretaseta, o le na ia maua mai ai se faatagaga a le tupu na tuuina atu ai ia te ia le pule e toe fausia ai pa o Ierusalema.
O le tusi a Neemia
O lenei tusi o le faaauauga lea o le tusi a Esera. O loo i ai i lenei tusi se tala o le alualu i luma ma faigata o le galuega i Ierusalema ina ua toe foi mai tagata Iutaia mai le tafeaga i Papelonia. O le mataupu 1–7 o loo faamatala ai le asiasiga muamua a Neemia i Ierusalema ma le toe fausiaina o pa o le aai, e ui i le tele o le tetee. O le mataupu 8–10 o loo faamatala ai suiga faalelotu ma faalevafealoai na taumafai Neemia ona faatinoina. O le mataupu 11–13 o loo tuuina mai ai se lisi o igoa o e ua agavaa ma ua tuuina mai ai se tala o le faapaiaga o le pa. O le fuaiupu 4–31 o le mataupu 13 o loo tusia ai le asiasiga lona lua a Neemia i Ierusalema ina ua mavae ona alu ese o ia i tausaga e sefululua.