Tanu

Mo le faamanuiaga a Iakopo ia Tanu, tagai i le Kenese 49:16–18. Mo le faamanuiaga a Mose i le ituaiga o Tanu, tagai i le Teuteronome 33:22. Ina ua latou nonofo i Kanana, sa maua e le ituaiga o Tanu se laueleele itiiti ae sili ona lafulēmū (Iosua 19:40–48). Sa faigata lava ia te i latou ona puipuia lo latou laueleele mai sa Amorī (Faama. 1:34) ma Filisitia (Faama. 13:2, 25; 18:1). O lona taunuuga, sa o ese atu ai sa Tanū i le itu i mātū o Palesitina (Faama. 18), i tafatafa o Laisa, ma sa toe faaigoa ai lena aai o Tanu. Sa lauiloa le aai lenei o le tuaoi i matu o Palesitina, lea na faalauteleina atu e “pau mai i Tanu e pau mai i Peresepa.”