Amaketo

O le igoa Amaketo e maua mai le upu Eperu Har Megiddon, o lona uiga o le “mauga o Maketo.” O le vanu o Maketo o loo i le itu i sisifo o le laugatasi o Esetalone, e limasefulu maila (valusefulu kilomita) i matu o Ierusalema, o le nofoaga lea sa tauina ai le tele o taua faigata i ona po o le Feagaiga Tuai. O le a tauina ai foi le taua tele mulimuli e latalata i le taimi o le afio faalua mai o le Alii, e taʼua lea o le taua o Amaketo auā o le a amataina le taua i lea lava nofoaga e tasi. (Tagai i le Eseki. 39:11; Saka. 12–14, aemaise le 12:11; Faaa. 16:14–21.)