Papelu, Papelonia

O le laumua o Papelonia.

O Papelu na faavaeina e Nimarota o se tasi foi o aai aupito leva i le laueleele o Mesopotamia, po o Senara (Kene. 10:8–10). Na faaeseeseina e le Alii gagana i le taimi na fausia ai e tagata le Olo o Papelu (Kene. 11:1–9; Eteru 1:3–5, 33–35). Mulimuli ane na avea Papelonia ma laumua o Nepukanesa. Na ia fausia se aai tele lea o loo i ai pea toega o mea na faaleagaina. Na avea Papelonia ma se aai amioleaga tele ma ua faapea ona avea ai ma faatusa o le amioleaga a le lalolagi.