Fesoasoaniga mo Suesuega
Iesu Keriso


Iesu Keriso

O Keriso (o se upu Eleni) ma le Mesia (o se upu Eperu) o lona uiga “o lē ua faauuina.” O Iesu Keriso o le Ulumatua o le Tamā i le agaga (Epe. 1:6; MF&F 93:21). O ia o le Toatasi na Fanaua e le Tamā i le tino (Ioane 1:14; 3:16). O ia o Ieova (MF&F 110:3–4) ma sa muai faauuina i lona valaauga maoae a o lei foafoaina le lalolagi. I lalo o le taitaiga a le Tamā, na foafoaina ai e Iesu le lalolagi ma mea uma o i ai (Ioane 1:3, 14; Mose 1:31–33). Na fanaua o ia e Maria i Peteleema, na ola i se olaga e aunoa ma le agasala, ma sa faia se togiola atoatoa mo agasala a tagata uma e ala i le faamasaaina o lona toto ma le tuuina atu o lona ola i luga o le satauro (Mata. 2:1; 1 Ni. 11:13–33; 3 Ni. 27:13–16; MF&F 76:40–42). Na tulai mai o ia mai e ua oti, ua faapea ona faamaonia ai le toetutu mai o tagata uma i se aso. E ala i le togiola ma le toetu o Iesu, o le a mafai ai e i latou o e e salamo i a latou agasala ma usiusitai i poloaiga a le Atua ona ola e faavavau faatasi ma Iesu ma le Tamā (2 Ni. 9:10–12; 21–22; MF&F 76:50–53, 62).

O Iesu Keriso o le tagata silisili lea na fanau mai i lenei lalolagi. O lona olaga o se faataitaiga sili ona atoatoa o le ala e tatau ona ola ai tagata uma. O tatalo uma, faamanuiaga uma, sauniga uma o le perisitua e tatau ona faia i lona suafa. O ia o le Alii o alii, o le Tupu o tupu, o le Tufuga, o le Faaola, ma le Atua o le lalolagi atoa.

O le a toe afio mai Iesu Keriso i le mana ma le mamalu e nofotupu i le lalolagi i le taimi o le Meleniuma. I le aso mulimuli, o le a ia faamasinoina ai tagata uma (Alema 11:40–41; IS—M 1).

Otootoga o lona soifua (i le faasologa o mea na tutupu)

O le Ao o le Ekalesia

O le aveina o le suafa o Iesu Keriso i ō tatou luga

O faaaliga mai o Keriso ina ua mavae lona toetu

O faailoga po o faatusa o Keriso

O le faamasino

O le faataitaiga a Iesu Keriso

O le mamalu o Iesu Keriso

O molimau ua tuuina mai e uiga ia Iesu Keriso

O le muai olaga o Keriso

O le nofotupu o Keriso i le Meleniuma

O le pule

O valoaga i le fanau mai ma le maliu o Iesu Keriso