Tusitusiga Paia
Iosefa Samita—Mataio 1

Iosefa Samita—Mataio

O se faamatalaga na sii mai i le faaliliuga o le Tusi Paia e pei ona sa faaalia ia Iosefa Samita le Perofeta i le 1831: Mataio 23:39 ma le mataupu 24.

Mataupu 1

Ua valoia e Iesu le faaumatiaga o Ierusalema o le a oo mai—Ua fetalai foi o ia e uiga i le afio mai faalua o le Atalii o le Tagata, ma le faaumatiaga o e e amioleaga.

1 Aua Ou te fai atu ia te outou, o le a outou lē vaai mai ia te aʼu mai le taimi nei i luma ma iloa o Aʼu o ia o lē ua tusi i ai perofeta, seia outou fai ane: Faamanu lava ia te ia o lē ua amaliu mai i le suafa o le Alii, i ao o le lagi, ma agelu paia uma faatasi ma ia. Ona malamalama ai lea o ona soo o le a toe afio mai o ia i le lalolagi, pe a uma ona faamamaluina ma faapaleina o ia i le lima taumatau o le eAtua.

2 Ma sa afio atu Iesu i fafo, ma afio ese mai le malumalu; ma sa o ane ona soo ia te ia, e fia faalogologo ia te ia, ua faapea atu: Le Matai e, faaali mai ia te i matou e uiga i fale o le malumalu, e pei ona e fetalai mai—O le a soloia i latou i lalo, ma tuua tuufua ia te outou.

3 Ma sa fetalai atu Iesu ia te i latou: Tou te le vaai atu ea i nei mea uma, ma outou le malamalama i ai? E moni Ou te fai atu ia te outou, o le a le toe i ai iinei, i luga o lenei malumalu, se amaa e tasi i luga o le tasi e lē soloia i lalo.

4 Ma sa tuua e Iesu i latou, ma afio atu i luga o le aMauga o Olive. Ma aʼo nofo o ia i luga o le Mauga o Olive, sa o ane ona soo ia te ia nao i latou, ua faapea atu: Taʼu mai ia te i matou po o afea e oo mai ai ia mea na e fetalai mai ai e uiga i le faafanoga o le malumalu, ma tagata Iutaia; ma o le a foi le efaailoga o lou iafio mai, ma le oiuga o le lalolagi, po o le faaumatiaga o e e uamioleaga, o le iuga lea o le lalolagi?

5 Ma sa tali atu Iesu, ma fetalai atu ia te i latou: Ia faaeteete ia lē faaseseina outou e se tagata;

6 Aua e toatele o le a o mai i loʼu igoa, ma faapea—o aʼu o Keriso—ma o le a faaseseina ai le toatele;

7 Ona latou tuuina atu ai lea o outou ia afaapuapuagatiaina, ma fasioti ia te outou, ma o le a eitagia outou e atunuu uma, ona o loʼu igoa;

8 Ma ona tausuai ai lea o le toatele, ma o le a faalata le tasi i le isi, ma o le a inoino i le tasi;

9 Ma e toatele perofeta pepelo o le a tutulai mai, ma o le a latou faaseseina le toatele;

10 Ma ona o le a tele le amioleaga, o le a faasolo ina maalili le aalofa o le toatele;

11 Ae o ia o le e nofo tumau ma lē faatoilaloina, o ia lava lea o le a faaolaina.

12 O lea, a outou vaai i le amea inosia e faatafuna ai, na fetalai ai e eTanielu le perofeta, e faatatau i le faafanoga o iIerusalema, ona outou tutu lea i le omea paia; ʼai se e faitau ia tuu atu ia te ia ia malamalama.

13 Ona tuu atu lea ia i latou o e o i ai i Iutaia ia sosola i amauga;

14 Ia tuu atu ia te ia o lē ua i luga o le tumutumu o le fale ia sola ese, ma ia le foi mai e ave se mea i fafo mai lona fale;

15 Pe tuu atu ia te ia o lē o i le fanua e foi atu e ave ona ofu;

16 Ma oi talofa ia te i latou e amaitaga, ma i latou o e e failele i aso na;

17 O lea, ia outou tatalo atu i le Alii ia lē i le malulu la outou solaʼaga, pe i le aso Sapati;

18 Aua o le taimi lena, i aso na, o le a i ai le puapuaga tele i luga o atagata Iutaia, ma luga o e e nonofo i eIerusalema, o se ituaiga e lei auina atu muamua i luga o Isaraelu, e le Atua, talu mai le amataga o lo latou malo seia oo mai i le taimi nei; e leai, pe toe auina atu lava i luga o Isaraelu.

19 O mea uma ua pauu ifo ia te i latou ua nao se amataga o faanoanoaga ia o le a oo mai i o latou luga.

20 Ma vagana ai ua faapupuuina na aso, o le a leai se tagata o i latou e faaolaina; ae ona o e ua filifilia, e tusa ma le feagaiga, o le a faapupuuina na aso.

21 Faauta, o nei mea ua Ou tautala atu ai ia te outou e faatatau i tagata Iutaia; ma le tasi, a mavae le puapuagatia o aso na o le a oo mai i luga o Ierusalema, afai e fai mai se tagata ia te outou, Faauta, o iinei Keriso, po o iina, aua nei talitonu ia te ia;

22 Aua i aso na o le a tutu mai ai foi Keriso pepelo, ma perofeta pepelo, ma o le a latou faaali mai faailoga tetele ma mea e ofo ai, e oo ina a mafai, o le a latou faaseseina ai lava e ua filifilia, o e ua filifilia e tusa ma le feagaiga.

23 Faauta, ua Ou tautala atu nei mea ia te outou ona o e ua afilifilia; ma o le a outou faalogo foi i etaua ma tala o taua; vaai ia lē faaatuatuvaleina outou, aua o mea uma ua Ou taʼu atu ia te outou o le a faataunuuina lava; peitai e lei oo mai lava le iuga.

24 Faauta, sa Ou taʼu muamua atu ia te outou;

25 O le mea lea, afai latou te fai mai ia te outou: Faauta, ua i ai o ia i le toafa; aua tou te o i ai: Faauta, ua i ai o ia i afeafe faalilolilo; aua tou te talitonu i ai;

26 Aua e pei ona sau le malamalama o le taeao mai asasaʼe, ma susulu atu lava i sisifo, ma sulugia ai le lalolagi atoa, o le a faapea foi le afio mai o le Atalii o le Tagata.

27 Ma o lenei Ou te faaali atu ia te outou se faataoto. Faauta, soo se mea e i ai se tino mate, o iina e aofaga faatasi i ai aeto; o le a faapena foi ona afaapotopotoina o laʼu au filifilia mai itu e fa o le lalolagi.

28 Ma o le a latou faalogo i taua, ma tala o taua.

29 Faauta, ou te tautala atu ona o laʼu ʼau filifilia; aua o le a tulai le atunuu e faasaga i le tasi atunuu, ma le malo e faasaga i le tasi malo; o le a i ai aoge, ma faamaʼi, ma mafuie, i nofoaga eseese.

30 Ma le tasi, ona o le a tele le amioleaga, o le a faasolo ina maalili le alofa o tagata; ae o ia o lē e lē faatoilaloina, o ia lava lea o le a faaolaina.

31 Ma le tasi, o lenei Talalelei o le Malo o le a talai atu i le alalolagi atoa, mo se molimau i atunuu uma, ma ona oo mai ai lea o le iuga, po o le faaumatiaga o e e amioleaga;

32 Ma le tasi o le mea inosia e faatafuna ai, na tautalaina e le perofeta o Tanielu, o le a faataunuuina.

33 Ma i le taimi lava pe a mavae atu le puapuagatia o na aso, o le a faapouliuligia le ala, ma o le a lē tuuina mai e le masina lona malamalama, ma o le a pauu ifo fetu mai le lagi, ma o le a luluina mana o le lagi.

34 E moni, Ou te fai atu ia te outou, o lenei tupulaga, lea o le a faaali atu ai nei mea, o le a lē mavae atu seia faataunuuina mea uma ua Ou fai atu ai ia te outou.

35 E ui i lea, e oo mai aso, o le a mavae atu ai le lagi ma le lalolagi; ae o aʼu aupu o le a le mavae atu lava, ae o le a faataunuuina uma.

36 Ma, e pei ona Ou muai fai atu, a mavae le apuapuagatia o na aso, ma luluina mana o le lagi, ona vaaia ai lea o le faailoga o le Atalii o le Tagata i le lagi, ma ona faavauvau ai lea o ituaiga uma o le lalolagi; ma o le a latou vaai i le Atalii o le Tagata ua eafio mai i ao o le lagi, ma le mana ma le mamalu tele;

37 Ma ai se na te teu faaoloa taua aʼu aupu, o le a lē faaseseina, aua o le a afio mai le Atalii o le Tagata, ma o le a ia auina mai ana eagelu i luma o ia ma le leo tele o se pu, ma o le a latou iaofaga faatasi le vaega o totoe o lana ʼau filifilia mai matagi e fa, mai le tasi tuluiga o le lagi i le isi.

38 O lea ia aʼoaʼo i se faataoto e uiga i le alaau o le mati—Aʼo muʼamuʼa lava ona lala, ma amata ona ia faafotu mai lau, tou te iloa ua latalata mai lava oo mai le tau mafanafana;

39 E faapena foi, laʼu ʼau filifilia, pe a latou vaai i nei mea uma, o le a latou iloa ua lata mai o ia, ua i faitotoa lava;

40 Ae e uiga i lena aso, ma le itula, e leai se tasi na te ailoaina; e leai, e le iloa e agelu a le Atua i le lagi, ae nao loʼu Tamā lava.

41 Ae e pei ona sa i ai i aso o aNoa, o le a faapea foi ona i ai i le afio mai o le Atalii o le Tagata;

42 Ona o le a i ai ia te i latou, e pei ona sa i ai i aso ao lei oo mai le alolo; auā seia oo mai i le aso na ulu ai Noa i totonu o le vaa sa latou aai ma inu, faaipoipo ma tuuina atu i le faaipoipoga;

43 Ma sa latou lē iloa seia oo ina sau le lolo, ma aveese i latou uma; o le a faapena foi ona i ai i le afio mai o le Atalii o le Tagata.

44 Ona faataunuuina ai lea o le mea ua tusia, e faapea i aaso e gata ai, e toalua o le a i ai i le fanua, o le a aveina le tasi, ma etuua le tasi;

45 E toalua o le a olo i le mea olo saito, o le a aveina le tasi, ma tuua le tasi;

46 Ma o le mea Ou te fai atu ai i le toatasi, Ou te fai atu ai i tagata uma; o lea, ia amataala ai, auā tou te le iloa le itula e afio mai ai lo outou Alii.

47 Ae ia outou iloa le mea lenei, a na fai e iloa e le matai o le fale le itupo e sau ai le gaoi, semanu e vaavaai o ia, ma semanu e le tuua lona fale ia lepetia, ae manu o saunia.

48 O lea ia outou saunia foi, ona o se itula faapea tou te lē manatu i ai, e afio mai ai le Atalii o le Tagata.

49 O ai, la, o se auauna afaamaoni ma le poto, o lē ua faia e lona alii e pule i lona auaiga, e tuu atu ia te i latou meaai i le tau e tatau ai?

50 Amuia lava lena auauna o lē e maua mai e lona alii, pe a afio mai o ia, o faia faapea e ia; ma e moni Ou te fai atu ia te outou, o le a faia e ia o ia ma pule i ana mea uma.

51 Ae afai e fai ifo lena auauna leaga i lona loto: Ua atolo e loʼu alii lona afio mai,

52 Ma amata ona ia sasa ona uso-a-auauna, ma ʼai ma inu faatasi ma e onanā,

53 O le a afio mai le alii o lena auauna i se aso pe a lē vaavaai o ia mo ia, ma i se itula e lē iloa e ia,

54 Ma o le a vavae ese o ia, ma o le a tofi ia te ia lana vaega faatasi ma e e talapepelo; o iina o le a i ai le tagiauē ma le alilivau o nifo.

55 Ma o le a faapea ona oo mai le aiuga o e amioleaga, e tusa ma le valoaga a Mose, ua faapea: O le a vavae ese i latou mai totonu o le nuu; peitai e lei oo mai lava i le iuga o le lalolagi, ae ua lata mai lava.