O se ioega i le va o le Atua ma le tagata, ae peitai e le tutusa o laua tulaga i le ioega. O le Atua e tuuina mai tulaga o le feagaiga, a o tagata e tatau ona malilie e faia le mea ua ia fai atu ai ia te i latou e faia. Ona folafola mai ai lea e le Atua i tagata o faamanuiaga faapitoa ona o lo latou usiusitai.
O mataupu autū ma sauniga e maua i le feagaiga. O uso o le Ekalesia ua faia feagaiga faapena ua folafola mai e faamamaluina na feagaiga. Mo se faataitaiga, e osia e tagata le feagaiga ma le Alii i le papatisoga ma e toe faafouina na feagaiga e ala i le taumamafa i le faamanatuga. Latou te faia foi isi feagaiga i le malumalu. O le nuu o le Alii o se nuu o le feagaiga ma e faamanuiaina tele i latou pe a latou tausia a latou feagaiga ma le Alii.