O se suiga i le mafaufau ma le loto lea e aumaia ai se mafaufau fou e uiga i le Atua, i le tagata lava ia, ma le olaga i le tulaga lautele. O le salamo e faatatau i se tagata ua liliuese mai le leaga ma ua liliu atu lona loto i le Atua, i le gauai atu i poloaiga a le Atua ma ona manaoga ma lafoaiina i le agasala. O le salamo moni e maua mai i le alofa i le Atua ma le naunau moni e usiusitai i ana poloaiga. O tagata uma lava e mafaamasinoina ua agasala ma e ao ona salamo ina ia mafai ai ona alualu i luma i le faaolataga. E naʼo le togiola lava a Keriso e mafai ai ona aoga lo tatou salamo ma taliaina ai e le Atua.