Harisi, Matini

O se tasi o molimau e toatolu i le pogai paia ma le moni o le Tusi a Mamona. Sa fesoasoani o ia i mea tautupe ia Iosefa Samita ma le Ekalesia. Na talosaga atu le Alii ia Matini Harisi e faatau atu lona fanua ma tuu atu ana tupe e totogi ai mo le lomiga o le Tusi a Mamona (MF&F 19:26–27, 34–35); ia fai ma faataitaiga i le Ekalesia (MF&F 58:35); ma fesoasoani i le totogiina o le tau o le talaiga (MF&F 104:26).

Na faatea Matini Harisi ma le Ekalesia, ae peitai na toe foi mai o ia ma avea ma uso faamaoni i le Ekalesia. E oo lava i le iuga o lona ola na ia tuuina atu le molimau e faapea na vaai o ia i le agelu o Moronae ma papatusi auro ia na faaliliu mai ai e Iosefa Samita le Tusi a Mamona.