Enosa, le Atalii o Iakopo
O se perofeta sa Nifaē ma se tusitala i le Tusi a Mamona o lē sa tatalo e maua ai le faamagaloga ma sa maua le faamagaloga o ana agasala e ala i lona faatuatua ia Keriso (Enosa 1:1–8). Sa osifeagaiga le Alii ma Enosa e aumaia le Tusi a Mamona i sa Lamanā (Enosa 1:15–17).
O le tusi a Enosa
O se tusi i le Tusi a Mamona o loo faamatala mai ai le tatalo a Enosa i le Alii e maua ai le faamagaloga o ana agasala, ma agasala a lona nuu, ma isi. Sa folafola mai e le Alii ia te ia o le a faasaoina le Tusi a Mamona ma o le a maua ai e sa Lamanā i se aso o lumanai. E ui lava o lenei tusi ua tasi le mataupu, ae o loo tusia ai se tala sili ona tāua e uiga i se tasi na saili atu i lona Atua i le tatalo, sa ola i le usiusitai i poloaiga a le Atua, aʼo lei oti o ia sa olioli i lona malamalama i le Togiola.